တာကာယာစု (သို့) သွေးကြောကြီးရောင်ရောဂါ

တာကာယာစု (သို့) သွေးကြောကြီးရောင်ရောဂါသည် နှလုံးသွေးလွှတ်ကြောမကြီး (သို့) နှလုံးသွေးလွှတ်ကြောမကြီးမှတစ်ဆင့် ပေးသော သွေးကြောများ ရောင်ရမ်းသော ရောဂါဖြစ်သည်။သက်လတ်ပိုင်း အမျိုးသမီးများတွင် အဖြစ်များသည်။

ရောဂါလက္ခဏာများ  

. မောပန်းလွယ်ခြင်း

. ရင်ဘတ်အောင့်ခြင်း

. ဖျားခြင်း

. ကိုယ်အလေးချိန်လျော့ကျခြင်း

. ခေါင်းမူးခြင်း 

. အသက်ရှု မဝ ခြင်း

. ခြေဆစ် လက်ဆစ် များ အေးခြင်း ထုံခြင်း ကိုက်ခြင်း

နောက်ဆက်တွဲ ပြဿနာများ 

. သွေးပေါင်တက်ခြင်း

. နှလုံးကြွက်သားရောင်ရမ်းခြင်း

. နှလုံးလုပ်ငန်းဆောင်တာ ပျက်စီးခြင်း

. လေဖြတ်ခြင်း လေဖြန်းခြင်း

. သွေးကြောထုံးခြင်း (aneurysm)

ဆရာဝန်နှင့် သွားရောက်ပြသသင့်သောအချက်များ

. ရောဂါကို စောစီးစွာသိရှိလျှင်  ကုသရာ၌ အကျိုးများသည်။

ထို့ကြောင့်  ဖော်ပြပါရောဂါလက္ခဏာများ  ဖြစ်ပေါ်လာလျှင် ဆရာဝန်နှင့် ပြသရန်လိုအပ်သည်။

. တာကာယာစု (သို့) သွေးကြောကြီးရောင်ရောဂါရှိသော အမျိုးသမီးများ ကိုယ်ဝန်ဆောင်ပါက သားဖွားမီးယပ်ဆရာဝန်ကြီးများနှင့် ဗိုက်အပ်ခြင်း ရက်ချိန်းပုံမှန်ပြခြင်း စသည်တို့ ပုံမှန် ပြုလုပ်သင့်သည်။

စစ်ဆေးမှုများ

. သွေးစစ်ခြင်း - ESR , C reactive protein

. သွေးကြောဓာတ်မှန်ရိုက်ခြင်း( angiography)

. သံလိုက်ဓာတ်မှန် ရိုက်ခြင်း ( MRI)

.ကွန်ပြူတာဓာတ်မှန်ရိုက်ခြင်း ( CT)

. အာထရာဆောင်း ရိုက်ခြင်း (USG)

. PET scan

ကုသခြင်း

. ငါးပိ ငါးခြောက် ငံပြာရည်၊ အငန်ဓာတ်ပါသော အစားအစာ များ၊ အရက်ဆေးလိပ် ကွမ်းယာ စသည်တို့ကို ရှောင်ကြဉ်ခြင်း။

. တစ်နေ့လျှင် နာရီဝက်ခန့် လမ်းလျှောက်ခြင်း။

. ဆရာဝန် ညွှန်ကြားသော သွေးကြောရောင်ကျစေများ ၊ စတီးရွိုက်ပါသော ဆေးများ သောက်ရန် လိုအပ်သည်။

. နှလုံးသွေးကြောလမ်းကြောင်းလှွဲ ခွဲစိတ်ကုသခြင်း၊ နှလုံးသွေးကြောချဲ့ခြင်း၊ နှလုံးအစို့ရှင် လဲ ခြင်းတို့ ပြုလုပ်နိုင်သည်။

Dr. Zin BO Tun

Ref- NHS choices & Mayo Clinic